XX. mendeko Euskararen Corpus estatistikoa

Testuingurua

1914an Fomento Industrial de Eibar delakoaren baitan gelditu zen.

1914tik 1920aren bitartean, krisi aldia gainditu ondoren, tirabirak guttitu egiten dira, gerrateak egundoko arma eskabidea sortu bait zuen.

Nahiz eta premiazko jeneroak gora eta gora joan beti, ez zen salto ikaragarririk gertatu 1917ra arte, ez behintzat destajuan ari ziren armagintza langileen irabaziak hondatzeko hainbatekorik.

Bestalde, Vaidour-ek dionez, Eibartarren politika prestaera ez zen ikaragarria, nahiz eta honen hitzak oso fidagarriak ez izan, gauzen alderdi irrigarria agertzeko joera bait zuen.

Giro kultural handirik ez zegoela nabarmena da.

Hori bai, erudizioa eta erdaraz dotore hitz egitea, ongi ikusiak zeuden.

Garbi ikusten da haientzat kultura, erdal kultura zela, euskalduna ez behinik behin.

Nahiz eta mitinetan sozialistek euskara erabili jeneralki, ez zen beste hainbeste gertatzen beren hitzaldi eta antzerki saioetan, dakigunez behintzat.

Edozein moduz ere, hizkuntzaren erabileraren eta kontzientziaren bereizketa planteatzen da hemen.

1915ean beste greba batekin aurkitzen gara baina ez zen greba berri baten hasera eta istilu zahar baten bukaera baizik izan.

1917an, aste bete iraun zuen greba orokor bat egon zen.

Ez zen jarrera radikalik eta bortizkeriarik gertatu, nahiz eta El Debate eta EspañaNuevako berri emaileek besterik esan.

Ikus lehenengo aldizkariak zer zioen: ERREPUBLIKA LABUR BAT EIBARREN - Astelehenean geldi aldi eguna Proklamatu zen errepublika Eibarren,(...).